श्री. प्रवीण पानपाटील यांना तालुकास्तरीय विज्ञान प्रदर्शनात प्रथम पारितोषिक
सटाणा :- येथील मराठा विद्याप्रसारक
समाजाच्या नेहरू विद्यालय, सोमपूर येथील उपशिक्षक प्रवीण विजय पानपाटील यांनी
नुकत्याच झालेल्या ४४ व्या बागलाण तालुकास्तरीय विज्ञान प्रदर्शनात “व्यवसाय
मार्गदर्शन” या गटात प्रथम पारितोषिक प्राप्त केले. मराठा विद्याप्रसारक समाजाचे
अध्यक्ष व जलदूत डॉ.तुषार शेवाळे यांच्या हस्ते व मविप्र उपसभापती राघोनाना आहिरे,
तालुका संचालक डॉ. प्रशांत देवरे, सेवक संचालक गुलाब भामरे, गटशिक्षणाधिकारी
साहेबराव बच्छाव, माधवराव दिघावकर, रामचंद्र देवरे, सरपंच अरुणा पवार यांच्या प्रमुख उपस्थितीत त्यांना हा पुरस्कार
प्रदान करण्यात आला. १० वी व १२ वी नंतर विद्यार्थ्यांनी त्यांच्या क्षमता व
आवडीनुसार कोणत्या क्षेत्राकडे गेले पाहिजे, कमी कालावधीचे व हमखास नोकरी मिळवून
देणारे कोर्सेस व स्पर्धा परीक्षा याविषयी त्यांनी यावेळी विद्यार्थ्यांना माहिती
दिली. त्यांच्या या यशाबद्दल त्यांचे विस्तार अधिकारी पी.आर. जाधव, युवराज पवार,
जिल्हा कोशाध्यक्ष सचिन शेवाळे, डी.बी.ह्याळीज, तालुका विज्ञान अध्यापक संघ
अध्यक्ष रमाकांत भामरे, विद्यालयाचे मुख्याध्यापक साहेबराव शिंदे, शालेय समिती
अध्यक्ष, सदस्य, सर्व शिक्षक शिक्षकेतर कर्मचारी, विद्यार्थी व ग्रामस्थांनी
अभिनंदन केले.
कोणत्याही टिप्पण्या नाहीत:
टिप्पणी पोस्ट करा