प्रवीण पानपाटील यांना जिल्हास्तरीय
विज्ञान प्रदर्शनात तृतीय पारितोषिक
सटाणा :- येथील मराठा विद्याप्रसारक
समाजाच्या नेहरू विद्यालय, सोमपूर येथील उपशिक्षक प्रवीण विजय पानपाटील यांनी
नुकत्याच झालेल्या ४४ व्या नाशिक जिल्हा विज्ञान प्रदर्शनात “ व्यवसाय मार्गदर्शन ”
या गटात तृतीय पारितोषिक प्राप्त केले. प्रवरा टेक्निकल एज्युकेशनचे संचालक केशव नावंदर यांच्या हस्ते व जि.प. माध्यमिक शिक्षणाधिकारी
नितीन बच्छाव, सर विश्वेश्वरय्याचे प्राचार्य डॉ.के.टी.व्ही.रेड्डी , उपशिक्षणाधिकारी
आर.पी.पाटील, उपशिक्षणाधिकारी के.डी.मोरे, नाशिक जिल्हा विज्ञान अध्यापक संघाचे
अध्यक्ष डी.यु.आहिरे, सिन्नर तालुका मुख्याध्यापक संघ अध्यक्ष एस.बी.देशमुख, प्राचार्य
पुरुषोत्तम रकिबे, सचिन शेवाळे, सदाशिव भामरे, विनीत पवार, किशोर जाधव, कल्पेश
चव्हाण, एस.टी. पांगारकर, आर.टी.गिरी यांच्या प्रमुख उपस्थितीत त्यांना हा
पुरस्कार प्रदान करण्यात आला. १० वी व १२ वी नंतर विद्यार्थ्यांनी त्यांच्या
क्षमता व आवडीनुसार कोणत्या क्षेत्राकडे गेले पाहिजे, कमी कालावधीचे व हमखास नोकरी
मिळवून देणारे कोर्सेस, स्पर्धा परीक्षा, घरगुती व्यवसाय व लघुद्योग याविषयी त्यांनी
यावेळी विद्यार्थ्यांना सविस्तर माहिती दिली. त्यांच्या या यशाबद्दल त्यांचे म.वि.प्र.
समाजाचे अध्यक्ष डॉ. तुषारदादा शेवाळे, सरचिटणीस निलीमाताई पवार, सटाणा तालुका
संचालक डॉ. प्रशांत देवरे, विस्तार अधिकारी पी.आर. जाधव, शालेय समिती अध्यक्ष
नारायण दादा भामरे, विद्यालयाचे मुख्याध्यापक साहेबराव शिंदे, शालेय समिती सदस्य गिरीष
भामरे, सुभाष भामरे, किशोर भामरे, सविता नहिरे व सर्व शिक्षक शिक्षकेतर कर्मचारी,
विद्यार्थी व ग्रामस्थांनी अभिनंदन केले.
कोणत्याही टिप्पण्या नाहीत:
टिप्पणी पोस्ट करा